Heydər Əliyev və Azərbaycan

Mən fəxr edirəm ki Azərbaycanlıyam

Mən blogumda Ulu öndərin həyat və fəaliyyətinə toxunmaqda məqsədim bir azərbaycanlı olaraq öz tariximi bilmək və vətənimin görkəmli şəxsiyyətlərindən olan Heydər Əliyevin xalqımız üçün gördüyü işləri  gələcək nəsillərə çatdırmaqdan ibarətdir.Bir müəllim olaraq mənim borcum öz şagirdlərimi vətənpərvər ruhda yetişdirməkdirsə, Azərbaycanlı olaraq isə keçmişimi bilib görkəmli şəxsiyyətlərinin bizə qoydugu bu xoşbəxt Azərbaycan dövlətini qoruyub saxlamaqdır.Ulu Öndərimizin sözləri ilə desek ki  " Mən fəxr edirəm ki Azərbaycanlıyam".


Həyatı

1941-ci ildən Heydər Əliyev Naxçıvan MSSR Xalq Daxili İşlər Komissarlığında və Naxçıvan MSSR Xalq Komissarları Sovetində şöbə müdiri vəzifəsində işləmiş və 1944-cü ildə dövlət təhlükəsizliyi orqanlarına işə göndərilmişdir. Bu dövrdən təhlükəsizlik orqanları sistemində çalışan Heydər Əliyev 1964-cü ildən Azərbaycan SSR Nazirlər Soveti yanında Dövlət Təhlükəsizliyi Komitəsi sədrinin müavini, birinci müavini, 1967-ci ildən isə sədri vəzifəsində işləmiş, general-mayor rütbəsinə qədər yüksəlmişdir. Həmin illərdə o, Leninqradda (indiki Sankt-Peterburq) xüsusi ali təhsil almış, 1957-ci ildə isəAzərbaycan Dövlət Universitetinin tarix fakültəsini bitirmişdir.
Azərbaycan Kommunist Partiyası Mərkəzi Komitəsinin 1969-cu il iyul plenumunda Heydər Əliyev Azərbaycan Kommunist Partiyası Mərkəzi Komitəsinin birinci katibi seçilərək sovet dövrü ierarxiyasına uyğun olaraq respublikanın rəhbəri olmuşdur. 1982-ci ilin dekabrında Sovet İttifaqı Kommunist Partiyası Mərkəzi Komitəsi Siyasi Bürosunun üzvü seçilən Heydər Əliyev SSRİ Nazirlər Soveti sədrinin birinci müavini vəzifəsinə təyin edilmiş və SSRİ-nin rəhbərlərindən biri olmuşdur.
Heydər Əliyev 20 il ərzində SSRİ Ali Sovetinin deputatı, 5 il isə SSRİ Ali Soveti sədrinin müavini olmuşdur.
Heydər Əliyev 1987-ci ilin oktyabrında Sovet İttifaqı Kommunist Partiyası Mərkəzi Komitəsi Siyasi Bürosunun və şəxsən Baş katib Mixail Qorbaçovunyeritdiyi siyasi xəttə etiraz əlaməti olaraq, tutduğu vəzifələrdən istefa vermişdir.
Heydər Əliyev 1990-cı ilin 20 yanvarında sovet qoşunlarının Bakıda törətdiyi qanlı faciə ilə əlaqədar ertəsi gün Azərbaycanın Moskvadakı nümayəndəliyində bəyanatla çıxış edərək, Azərbaycan xalqına qarşı törədilmiş cinayətin təşkilatçıları və icraçılarının cəzalandırılmasını tələb etmişdir. O, Dağlıq Qarabağda yaranmış kəskin münaqişəli vəziyyətlə bağlı SSRİ rəhbərliyinin ikiüzlü siyasətinə etiraz əlaməti olaraq, 1991-ci ilin iyulunda Sovet İttifaqı Kommunist Partiyasının sıralarını tərk etmişdir.
1990-cı ilin iyulunda Azərbaycana qayıdan Heydər Əliyev ilk əvvəl Bakıda, sonra isəNaxçıvanda yaşamış, həmin ildə də Azərbaycan Ali Sovetinə deputat seçilmişdir. O,1991-1993-cü illərdə Naxçıvan Muxtar Respublikasının Ali Məclisinin sədri, Azərbaycan Respublikası Ali Soveti sədrinin müavini olmuşdur. Heydər Əliyev 1992-ci ildə Yeni Azərbaycan Partiyasının Naxçıvan şəhərində keçirilmiş təsis qurultayında partiyanın sədri seçilmişdir.
1993-cü ilin iyununda ölkədə siyası böhranının son dərəcə kəskinləşməsi ilə əlaqədar o zamankı respublika rəhbərləyi Heydər Əliyevi Bakıya, siyasi rəhbərliyə dəvət etmişdir. Heydər Əliyev 1993-cü il 15 iyunda Azərbaycan Ali Sovetinin sədri seçilmiş, iyulun 24-də isə Azərbaycan Respublikası Milli Məclisinin qərarı ilə Azərbaycan Respublikası Prezidentinin səlahiyyətlərini icra etməyə başlamışdır.
1993-cü il oktyabrın 3-də ümumxalq səsverməsi nəticəsində Heydər Əliyev Azərbaycan Respublikasının Prezidenti seçilmişdir. O, 1998-ci il oktyabrın 11-də keçirilən seçkilərdə səslərin 76,1 faizini toplayaraq, yenidən Azərbaycan Respublikasının Prezidenti seçilmişdir. 2003-cü il 15 oktyabrda keçirilən prezident seçkilərində namizədliyinin irəli sürülməsinə razılıq vermiş Heydər Əliyev səhhətində yaranmış problemlərlə əlaqədar seçkilərdə iştirak etməkdən imtina etmişdir.

Mükafatları

Heydər Əliyev bir sıra beynəlxalq mükafatlara, müxtəlif ölkələrin universitetlərinin fəxri doktoru adına və digər yüksək nüfuzlu fəxri adlara layiq görülmüşdür. O, dörd dəfə "Lenin" ordeni, "Qırmızı Ulduz" ordeni və çoxlu medallarla təltif edilmiş, iki dəfə "Sosialist Əməyi Qəhrəmanı" adını almış, bir çox xarici dövlətlərin orden və medalları ilə təltif olunmuşdur[3].


   Heydər Əliyev haqqında öz fikirlərim


Dünya miqyaslı siyasətçi


Azərbaycan xalqının tarixində və taleyüklü məsələlərin həllində müstəsna xidmətləri olan tarixi şəxsiyyətlər, görkəmli siyasət və dövlət adamları çox olmuşdur. Bunlar zaman-zaman gördükləri böyük işləri və əməlləri ilə yadda qalmış və unudulmamışlar.

Belə tarixi şəxsiyyətlər içərisində Azərbaycan xalqının ümummilli lideri adını qazanmış görkəmli dövlət xadimi, dünya miqyaslı siyasətçi Heydər Əliyevin xüsusi rolu vardır. Çünki dövlət xadimlərindən ancaq bu dahi şəxsiyyət milli lider səviyyəsinə yüksəlmişdir. Milli liderliklə siyasi liderlik keyfiyyətlərinin bir dövlət adamında birləşməsi bəşər tarixində nadir rast gəlinən unikal haldır. Ulu öndər bu iki keyfiyyəti ehtiva etməklə bərabər, fəaliyyət göstərdiyi bütün digər sahələrdə də özünü məhz birinci şəxs kimi, lider kimi təsdiq etmişdir.

Bu dahi insan Azərbaycan xalqının yaddaşında qurucu və xilaskar dövlət xadimi, milli lider və xalq məhəbbətini qazanan öndər kimi qalmışdır. Xalqımızın tarixi taleyində, mənəvi, siyasi və ictimai həyatında, dövlət quruculuğunda onun qədər misilsiz xidmətlər göstərən ikinci dövlət adamı tapmaq mümkün deyildir. Bu mənada o, xalqımızın milli iftixarı, ürəklərimizdə özünə yer tapan milli liderimiz, güvənc yerimiz, qürur duyduğumuz və arxa bildiyimiz böyük Azərbaycanlı idi.
Bu dahi insan tarixi yazan və yaradan, onu yönəltməyi və fövqündə durmağı bacaran, dövlət idarəçiliyi və siyasi təlimlər elminin müntəxəbatını öz fəaliyyəti ilə diktə edən nadir şəxsiyyətlərdən biri idi. O təkcə güclü təsərrüfatçı deyil, həm də sözlərinin çəkisi və sanbalı olan, kütləni arxasınca aparmağı, auditoriyanı inandırmağı bacaran bir siyasi xadim idi. Heydər Əliyev mahir psixoloq, insan qəlbinin dərin bilicisi idi. Buna görə də onun gələcəyi görmək qabiliyyəti başqalarına, həmkarlarına nisbətən daha güclü idi.
Tarixi bəsirət, irəlini görmək nadir bir hissdir. Siyasi xadimlərin heç də hamısında bu hiss olmur. Təbiət bu keyfiyyəti yalnız seçilmiş adamlara – zəmanəsini çox-çox qabaqlayan görkəmli mütəfəkkirlərə verir. Nəhəng siyasətçi Heydər Əliyev kimi. O, analitik düşüncə tərzi ilə, çətin vəziyyətlərdə soyuqqanlılığını saxlamaq məharəti ilə, yüksək intellekti, dünya mədəniyyətinə bələdliyi ilə ətrafdakıları heyrətləndirirdi.
Heydər Əliyev böyük siyasət üçün yaranan, təkcə bir ölkə miqyasında yox, dünya əhəmiyyətli məsələlərin həllində qətiyyətli sözünü deyə bilən nadir siyasətçi idi. Onun bu sahədəki fitri istedadı və fövqəladə qabiliyyəti, hadisələrin və tarixin gedişatını öncə görmək məharəti siyasət aləminə qədəm qoyduğu ilk günlərdən özünü büruzə vermişdi.
Təsadüfi deyildir ki, onun atdığı addımlar, irəli sürdüyü problemlər, qəbul etdiyi qərarlar, söylədiyi fikirlər öz aktuallığı, düzgünlüyü və obyektivliyi və hər cəhətdən ölçülüb biçildiyindən ətraflardakıları heyrətləndirmiş, siyasət aləminin patriarxı adını qazandırmışdır. Hətta dünyanın ən görkəmli siyasət və dövlət xadimləri Heydər Əliyevlə məsləhətləşdiklərini, ondan öyrəndiklərini dönə-dönə etiraf etmişlər. Siyasətçilər bu dahi insanı “liderlərin lideri” adlandırırdılar. 
Heydər Əliyev Azərbaycana rəhbərlik etdiyi illərdə uzaqgörən daxili və xarici siyasəti ilə ölkənin nüfuzunu artırmış, hərtərəfli inkişafına nail olmuş, müstəqilliyini əbədi və dönməz etmişdir. Kiçik bir ölkə Heydər Əliyevin uğurlu siyasəti sayəsində dünyada tanınan nüfuzlu bir dövlətə çevrilmişdi. 1993-cü ildə müstəqil Azərbaycan Respublikasının Prezidenti seçilən Heydər Əliyev siyasət aləmində çox güclü, səriştəli və təcrübəli müdrik dövlət xadimi kimi qısa bir müddət ərzində xarici siyasət sahəsində böyük dönüş yaratdı. Dünyanın aparıcı dövlətləri, inkişaf etmiş ölkələri, beynəlxalq təşkilatlar Azərbaycana ciddi diqqət yetirməyə başladılar. O, Qərbə inteqrasiya yolunu tutdu. Ən çətin anlarda belə Heydər Əliyev yenilməz siyasi iradə nümayiş etdirdi, milli dövlətçiliyin, milli mənafelərin ifadəçisi kimi antiazərbaycan, antimilli qüvvələrin qarşısında sipərə çevrildi, Bakı-Tbilisi-Ceyhan neft, Bakı-Tbilisi-Ərzurum qaz kəmərinin çəkilişi məhz bu böyük insanın qətiyyətli mövqeyinin, uzaqgörənliyinin nəticəsi kimi reallığa çevrildi.

Ulu öndərimizin bu nüfuzu onun xalq və ölkə qarşısındakı əvəzsiz xidmətləri, özünün nəsillərə nümunə ola biləcək həyat fəaliyyəti, iti düşüncəsi, əqidə və məsləki ilə, onun rəhbərliyi dövründə Azərbaycanın demokratiya və müstəqillik yolunda atdığı uğurlu addımları ilə bağlıdır. Dünya siyasətçiləri, beynəlxalq içtimaiyyət və xalqımız bu dahi insanı Heydər Əliyev olduğuna görə deyil, vətən və dövlət qarşısında gördüyü böyük işlərə, dünyada təhlükəsizliyin qorunmasına, düzgün və pozitiv inkişafa çalışdığına, siyasi və ictimai fəaliyyətinə görə qiymətləndirmişdir. Bu səbəbdəndir ki, dünyanın ən görkəmli siyasi xadimləri, dövlət rəhbərləri, tanınmış elm və mədəniyyət nümayəndələri Heydər Əliyev şəxsiyyətini yüksək qiymətləndirmiş, ondan çox şey öyrəndiklərini bildirmişlər. Onun haqqında deyilən söz, verilən qiymət bu gün də, sabah da lazımdır, bunlar tariximizin yaddaşına köçürülməlidir.

Heydər Əliyevin dərin məntiqli nitqi, natiqlik məharəti, söz seçmək bacarığı, auditoriya ilə ünsiyyət qurmaq səriştəsi onu dinləyənləri məftun edirdi. Onun nitqi dərin və konkret idi, müzakirə olunan məsələni yüksək səviyyədə ümumiləşdirmək bacarığına malik idi. Ulu öndərin nitq və çıxışlarında artıq söz və ifadə, qeyri-dəqiq fakt və rəqəm olmur, fikirlərini son dərəcə cilalanmış şəkildə ifadə edirdi. O, məsələnin mahiyyətini açmağa, mövzunun milli mənafe, dövlətçilik mövqeyindən təhlil etməyə xidmət edən məsələni ustalıqla göstərməyi bacarırdı.
Xalqımız qarşıya çıxan hər hansı bir çətin problemlərin həllini, xilaskarlıq missiyasını Heydər Əliyevdə görürdü. Bu, on illərllə formalaşmış fikirdir, özü də doğru və düzgün fikirdir. Ölkəmizin fəxri, mili iftixarımız və liderimiz olan Heydər Əliyev bütün problemlərin həll olunmasının öhdəsindən yüksək səviyyədə gəlmişdir. Çünki o, bir neçə on il bundan sonra görəcək işləri bu gün həyata keçirməyi bacaran nadir keyfiyyətlərə malik uzaqgörən siyasətçi və təcrübəli dövlət xadimi idi. Onun siyasəti ölçülüb-biçilmiş, gələcəyə ünvanlanmış siyasət idi.
Bu gün ölkəmiz bu siyasətin uğurlarını hiss edir, onunla yaşayır və faydalanır. Bu siyasətin icraçısı ulu öndərimizin layiqli siyasi varisi cənab İlham Əliyevdir. Onun rəhbərliyi ilə Heydər Əliyev siyasəti yaşayır və uğurla davam etdirilir. Azərbaycan Respublikası Heydər Əliyev siyasəti ilə irəliləyir və yaşayır. Heydər Əliyev siyasəti Azərbaycanın uğurlarının əsasıdır, gələcəyə istiqamətlənmişdir. Onun siyasi kursu dövlət müstəqilliyimizin qorunub saxlanılması və möhkəmləndirilməsi, Azərbaycanın beynəlxalq imicinin yüksəldilməsi, sosial-iqtisadi tərəqqiyə nail olması kimi ağır və taleyüklü məsələlərdə sınaqdan çıxmışdır.
Prezident İlham Əliyevin rəhbərliyi ilə ölkəmizdə bütün sahələrdə aparılan uğurlu islahatlar, əldə olunan nəticələr xalqın sabaha olan inamını qat-qat artırmış, Heydər Əliyev yolunun layiqincə davam etdirildiyinə, memarı olduğu müstəqil Azərbaycanın etibarlı əllərdə olduğuna möhkəm əminlik yaratmışdır. Ulu öndər Heydər Əliyev siyasətinin Prezident İlham Əliyev tərəfindən uğurla davam etdirilməsini aydın görən xalqımız bu siyasəti yüksək dəyərləndirir və onun ətrafında daha sıx birləşirlər. Cənab İlham Əliyev ulu öndərin siyasi kursunu layiqincə davam etdirməklə, xalqımızın və dövlətçiliyimizin bu kursun mahiyyətindən doğan milli maraqlarını beynəlxalq miqyasda təmin edir. Heydər Əliyev siyasətinin uğurla həyata keçirilməsi müstəqilliyimizi möhkəmləndirir, dövlətçiliyimizi qüdrətləndirir və nəticədə beynəlxalq aləmdə Azərbaycan Respublikasının rolunu və nüfuzunu artırır.


               Heydər Əliyev dərsləri__ və Mən

Heydər Əliyevin siyasi kursunu davam etdirmək və gələcək nəsillərə çatdırmaq üçün respublika orta məktəblərində 11 sinif şagirdlərinə Heydər Əliyev dərsləri keçirilməsi nəzərdə tutulub.Beləki Azərbaycanın bütün regionlarında olduğu kimi Zaqataladada bu dərslərin keçirilməsinə  başlanılmışdır.Artıq fevral ayından başlayaraq may ayına qədər rayon maarif şöbələri tərəfindən  seçilmiş 10 tarix müəlliməsi bu dərsləri məktəblərin 11-ci sinif şagirdlərinə keçməyə başlamışdılar.Çox sevindirici haldır ki bu müəllimlərin içərisində mənmdə adım vardır.
Bu gün mən Zaqatala rayonunda 11-ci sinif şagirdlərinə Heydər Əliyev fonomenin həyat yolunu , siyasi yaradıcılığını sevə-sevə öyrədirəm.Və buna görə mən fəal dərsin imkanlarəndan, Veb-2 texnologiyalarından istifadə edərək dərsi dahada məhsuldar etməyə çalışmıçam.Eyni zamanda Heydər Əliyev muzeyinin fonnunda saxlanılan Heydər Əliyevin həyat və yaradıcılığını əks etdirən kitablardan, yurnallardan istifadə etmişəm.Muzey kollektivi Famil müəllim başda olmaqla bu dərslərin dahada keyfiyyətli keçirilməsi üçün müəllim və şagirdlərə  gözəl imkanlar yaratmışdılar.
Rayonun seçilmiş  müəllimlərindən olan İranə Əlizadə, Sakit Həsənov, Elmira Hacıyeva, Könül Vasanova,Pərixanim,Cuma və başqa müəllimlər tərəfindən həyata keçirilir.Rayonumuz beynəlilməl rayon olduğu üçün bu dərslər avar, ləzgi, rus və gürçü dillərinə uyğun olaraq bu dillərdədə təcrid olunmuşdur.
Dərslərin keçirilməsinə rayon təhsil şöbəsi, icra hakimiyyəti və muzey əməkdaşları tərəfindən nəzarət edilir və əlavə qonaqlar tərəfindən dinlənilirdi.Dərslər video və şəkillər vasitəsiylə lentə alınırdı.Dərsləri keçən müəllimlərin şəkillərini muzeyin əməkdaşlarından götürərək bloqumda yerləşdirmişəm.
Müəllimlərin əsas sonda ümümi bir nəticəsi vardır ki şagirdlərə Ulu öndərin siyasi həyat yolunu öyrətmək və gələcək nəsillərə çatdırılmasına nail olmaqdı.İnaniram ki Zaqatalada bu istəyimiz  ugurla həyata keçirildi.Gələcək günlərimizdədə davam etdiriləcək.











Heydər Əliyevin 91 -ci il dönümü münasibətiylə Heydər Əliyev muzeyində keçirilən "Mən Azərbaycanlıyam"müsabiqəsi

29.04.2014- cü il tarixində Heydər Əliyev Mərkəzində keçirilən “Mən Azərbaycanlıyam” adlı şeir mahnı müsabiqəsində fərqlənən şagirdlərin siyahısı

                                         

ŞEİR

           1. 1-ci yer

   Hüseyn Cavid Ceyhun oğlu - Humanitar fənlər Gimnazyasının        şagirdi.

2.    2-ci yer
Şirinova Səyalı  Sənan qızı- Akademik Zərifə Əliyeva adına Liseyin  şagirdi.
3.   3-cü yer



Hüseynov  Mənsum  Qasım oğlu-şəhər 5 saylı orta məktəbin şagirdi.



Şeirdə həvəsləndirici





Aslanlı Dərya Mahmud qızı – Bəhmədli kənd tam orta məktəbi 3-cü sinif şagirdi



Mehdiyeva Nərgiz Qurban qızı – Tala kənd 3 saylı tam orta məktəb

Surxayeva Məryəmana Rafael qızı – Tala kənd 3 saylı tam orta məktəb

Lələyeva Oksana Elvin qızı ,Əsgərova Arzu Babək qızı – Qandax kənd tam orta məktəb

Nəbiyeva Dinara Bilal qızı-Fındıqlı kənd tam orta məktəbi



MAHNI
1.1-ci yer
Ömərova Aygün Qalib qızı Tala 5 saylı orta məktəb
2.2ci yer
Xurmayev Şamil Məhəmməd oğlu - Hötala kənd  məktəbi
3.3cü yer
Ömərova Xacay Kamil qızı – Mazıx kənd tam orta məktəbi

Mahnıda həvəsləndirici

Həsənova Rüfanə İsa qızı ,Həsənova Səadət Şirin qızı – Muxax 1 saylı orta məktəb
Nurməmmədov Seymur Natiq oğlu - Əliabad 1 saylı orta məktəb


Sonda şagirdlərə mükafatlar təqdim olunmuşdur.

            Körpələrin gözü ilə__Ulu Öndərimiz

Zaqatala rayonunda Ulu öndərin xatirəsini əbədiləşdirmək üçün demək olar ki bütün sahələrdə tədbirlər keçirilir.Təhsilimizin inkişaf etdiyi dövrdə uşaq tərbiyyə müəssələridə bu inkişafdan geridə qalmamışdır.Bu gün rayonumuzda Ulu Öndərin siyasəti nəticəsində körpələr evləridə yenidən bərpa edilmış və bəzi köhnə binalar yenidən inşa etdirilmişdir.Körpələr evlərindədə bu gün ulu öndərin gözəl xatirələri geniş tədbirlərlə həyata keçirilmişdir.Bunlardan biridə şəhər 5 saylı körpələr evidir.Bu gün balacaların Ulu öndərimiz haqqında söylədiyi o gözəl şerlər və şirin dillərindən tökülən o sözlər onların Ulu Öndərimizə olan sevgisini görməmək mümkün deyil.
Rəqsanə müəllimənin rəhbərlik etdiyi müəssədə demək olar ki bütün bu rəsmi tədbirlər öz axarı ilə təşkil olunur.Məndə bu gözəl tədbirin qonağı olmağım bir daha bunu sübut etdi.Qizimin sevinc dolu gözləri ilə Ulu öndəri haqqında söylədiyi o şer parçalarını sizədə çatdırmaq istəyirəm.







       Zaqatala təhsili və Heydər Əliyev

Bu gün rayonumuzun otra məktəblərində Ulu Öndərin xatirəsini və doğüm günü münasibətiylə tədbirlər keçirilmiş, açiq dərslər təşkil olunmuşdur.Mən öz əməkdaşıq etdiyim müəllimlərlə əlaqələr saxlayaraq onların təşkil etdiyi tədbirlərdə imkan daxilində iştirakıma çalışmışam.
Tala kənd 5 N:li məktəbdə Ulu Öndərin xatirəsini yad etmək üçün Sevinc müəllimə böyük tədbir keçirərək , Heydər Əliyevin həyat və fəaliyyəti ilə əlaqədar video çarxlar nümayiş etdirdi.
Məktəbin tarix müəllimələri olan mən, Mən Nuranə və Nüşabə müəllimə siniflərə açıq dərslər keçirərək geniş məlumat vermişik.
Bundan əlavə olaraq Zaqatala rayon Zərifə Əliyeva adına liseydə il boyu Ulu öndərin xatirəsini yad etmək üçün illik plana uyğun olaraq il boyu tədbirlər keçirildi.Belə ki mən dekabrın 12-də Heydər Əliyevin ölüm günü münasibətiylə Heydər Əliyevin xatirəsini yad etmək üçün Heydər Əliyev muzeyində dərslər təşkil  olunmuş, aprel ayında isə Zərifə Əliyevanın doğum günü münasibətiylə böyük bayram şənliyi keçirilmişdir.




Qımır kənd  orta məktəbində Leyla Məcidova tərəfindən böyük açıq dərs keçirilmiş, təhsil şöbəsi tərəfindən qonaqlar dəvət olunmuşdu.


Eyni zamanda bu dərslər Tala 2 nomrəli məktəbdə Humay Məmmədova tərəfindən tədbir, 
   

  

 Fındıqlı kəndində Xəyalə Musayeva tərəfindən tədbir,
            

 Mamrux məktəbində Sakit Həsənov ,Əlibayramlı,  Muğanlı kəndlərində Nəzakət Məmmədova , şəhər 5 nomrəli məktəbində Kəmalə Hacıyeva tərəfindən açıq dərslər təşkil olunaraq Ulu öndərin 91-ci il dönümü haqqında məlumatlar verilmişdir.Eyni zamanda istifadə etdiyim video Mamrux məktəbinin cografiya müəllimi tərəfindən Heydər Əliyevin 90 -ci il dönümü münasibətiylə məktəbin şagirdləri tərəfindən hazırlanmışdır.

Zaqatala Müəllimlər İnusutu və Heydər Əliyev

Bu gün mən blogumu hazırlayarkən  istədim ki məhs Ulu Öndərin xatirəsini yad etmək üçün bütün imkanlardan istifadə edim.Ona görədə  rayonda olan müəllimlərlə əməkdaşlıq edərək tədbirlərdən məlumatlar götürərək yerləşdirmək istədim.Bu gün Zaqatalada təhsil müəssələri ilə yanaşı ali təhsil müəssəsinin filalı olan zaqatala Müəllimlər İnusutuda fəaliyyət gösttərir.Bu filalda respublikamızın bütün bölgələrindən tələbələr təhsil alır.Belə ki rayonun ictimai həyatında bu inusutun tələbələri fəal olaraq fəaliyyət göstərir.

Ulu Öndəri xatirəsini həyata keçirmək üçün iniustdada bir şox tədbirlər həyata keçirilib.Belə ki əməkdaşlıq baxımından inisut tələbələri ilə şəhər 1 N:li məktəbin əməkdaşlığı ilə Heydər Əliyevin 91 -ci il dönümü münasibətiylə tədbir keçirilib.Bu bir daha sübut edir ki rayonumuzda təhsil müəssələri inkişaf edib və birgə fəaliyyət göstərir.

                          
                         

                         


 Rayonumuzda Heydər Əliyevin 91 -ci ildönümünə hazırıq
Bu gün rayonumuzda Heydər Əliyevin il dönümü münasibətiylə hər sahədə geniş tədbirlər həyata keçirilir.Bir Zaqatala sakini və ziyallısı olaraq məndə bu tədbirlərdə fəal iştirak edirəm.Yaşadığım 2-ci Tala kənd bələdiyyəsində bu gözəl gün münasibətiylə bilik yarışı keçirilib.Bilik yarışında 2-ci Tala kəndində yerləşən üç məktəb arasında baş tutub.Şagirdlərimiz  bilikləri ilə yanaşı şer parçaları, musiqilər, və digər güclərini nümayiş etdiriblər.Qalib gəlmiş komandalar mükafatlara və fəxri fərmanlara layiq görülüb.Aşagıdakı şəkillər tədbirdən çəkilmiş xatirə şəkilləridir.


              

              

              

              

Ulu Öndərin doğum günü ərəfəsində Zaqatalada yeni sosial obyektlər istifadəyə verilmişdir.Göyəm kəndində keçirilən mərasimdə çıxış edənlər bütün həyatını və fəaliyyətini xalqının xoşbəxtliyinə həsr edən ümummilli lider Heydər Əliyevin xalqımız və dövlətçiliyimiz qarşısındakı əvəzsiz tarixi xidmətlərindən bəhs etmiş, dahi rəhbərin əsasını qoyduğu uğurlu sosial-iqtisadi xəttin hazırda Prezident İlham Əliyev tərəfindən məqsədyönlü şəkildə davam etdirildiyini, ölkəmizin beynəlxalq nüfuzunun daha da artdığını, sosial-iqtisadi sahədə böyük irəliləyişlərə nail olunduğunu xüsusi vurğulamışlar.
Həkim məntəqəsinin açılışını bildirən rəmzi lent kəsildikdən sonra tədbir iştirakçıları burada yaradılmış şəraitlə tanış olmuşlar. Bildirilmişdir ki, on üç otaqdan ibarət həkim məntəqəsi yerli büdcə vəsaiti hesabına əsaslı təmir olunmuşdur. Binada müasir istilik sistemi quraşdırılmış, otaqlar yeni inventar və avadanlıqla təchiz edilmişdir.
Sonra rayon rəhbərliyi Əliabad qəsəbəsi ərazisində sahibkar Mahir Bağırov tərəfindən yeni inşa edilmiş “Xalça evi”nin açılışında iştirak etmişdir.
Mərasimdə qeyd olunmuşdur ki, respublikamızda milli mənəvi dəyərlərimizin qorunmasına ölkə rəhbərliyi tərəfindən xüsusi diqqət və qayğı göstərilir. 2004-cü ildə “Azərbaycanda xalça sənətinin qorunması və inkişaf etdirilməsi haqqında” Qanunun qəbul olunması bu qayğıya bariz nümunədir.
Sonra tədbir iştirakçıları “Xalça evi”ndə yaradılmış şəraitlə yaxından tanış olmuşlar. Hər mərtəbəsi 156 kvadratmetr olan ikimərtəbəli binada xalça toxunması üçün xüsusi dəzgahlar quraşdırılmışdır. Burada xalçadan əlavə, yataq dəstləri və digər yun məmulatlarının istehsalı da nəzərdə tutulur.
                                      Eyni zamanda rayonumuzda ulu öndərin xatirəsinə əbədiləşdirmək üçün Zaqatalanin Goyəm Kəndində tibb məntəqəsi tam təmir olunaraq əhalinin istifadəsinə verilmişdir    


                               



Zaqatalada Heydər Əliyev Mərkəzi istifadəyə veriləcək Zaqatalada Heydər Əliyev Mərkəzi tikilir. Mərkəzdə yeniyetmə və gənclərin asudə vaxtlarını daha səmərəli keçirməsi üçün hər cür şərait nəzərdə tutulub. Tikintisinə ötən ilin fevral ayında başlanılan 2 mərtəbəli tikilidə akt və konfrans zalları, muzey, 3D kinozalı, kitabxana, arxiv, ingilis, rus və fransız dillərinin tədrisi, kompüter, rəqs, heykəltaraşlıq, dizayn, kulinariya və digər dərnəklərin fəaliyyət göstərməsi üçün 15 sinif otağı və digər imkanlar mövcuddur. Hazırda binanın həyətyanı sahəsində son tamamlama və abadlıq işləri aparılır. Mərkəz yaxın günlərdə istifadəyə veriləcək.Sevindirici haldır ki biz müəllimlər öz dərslərimiz bu müzeydə keçmək imkanımız olacaq.


Rayonumuzda olan açılışlar barədə məlumat əldə etməyimə köməklik göstərdiyinə görə rayonumuzda fəaliyyət göstərdiyi Zradiom.com xəbər saytına təşəkkürümü bildirirəm.Sevindirici haldır ki bu gün əməkdaşlığımız sayəsində rayonumuzda təhsil , mədəniyyət sahəsində baş tutmuş tədbirlərdən məlumat əldə edə bilir və ıştirakçısı ola bilirik.
H.Əliyevin müdrik kəlamları
Böyük siyasəti kiçik hisslərə, xırda mənfəətlərə bağlamaq olmaz.

Kim müxalifətdə durursa-dursun, ancaq Vətəninə, xalqına, mənəviyyatına, məsləkinə müxalifətdə durmasın.

Xalq dövlət üçün yox, dövlət xalq üçün olmalıdır.  

Həqiqi mənəviyyatı milyonlara, milyardlara da almaq mümkün deyildir. Amma milyonları, milyardları olan adamlar cəmiyyətdə mənəviyyatsız heç bir şeydirlər.

Tarix həmişə hər şeyi öz yerinə qoyur.

Əgər hər hansı ölkənin xalqları öz hüquqlarını anlayır və onları qoruya bilirsə, o zaman ən kiçik dövlət belə ən böyük məmləkət qədər güclü olar.

Azadlıq və istiqlaliyyət hər bir xalqın milli sərvətidir.

Başqasının fikrinə hörmət etmək, ondan faydalı bir şey götürmək qabiliyyəti hər bir adama lazımdır.

Bir hadisənin qarşısını almaq, o hadisə baş verəndən sonra onun nəticələrini aradan götürməkdən daha asandır.

Hər bir insan həyatda öz yerini tapmalıdır. Amma öz yerini, özünə məxsus olan yerini tapmalıdır.

Heç kim əbədi qalib ola bilməz.

Heç bir ölkə, ən böyük bir ölkə də yalnız öz çərçivəsində iqtisadiyyatını lazımi səviyyədə inkişaf etdirə bilməz. 

Kim ki, biliyindən, bacarığından artıq iddialar edir o, həmişə məğlub olur. 


Dövlət, ölkə nə qədər çox xalqı birləşdirsə, bir o qədər zəngin olur, çünki onların hər biri ümumdünya mədəniyyətinə və sivilizasiyasına öz töhfəsini verir.

İnsanların mənəvi sərvətlərinin hamısından dinin fərqi ondadır ki, o, dini mənsubiyyətindən asılı olmayaraq həmişə insanları dostluğa, həmrəyliyə, birliyə dəvət etmişdir.

Sənətdə hər kəsin öz yeri var. Heç kəs kiminsə yerini almır.

Heç bir ölkəni özünə düşmən hesab etməməlisən.

Həyatda şərəflə şərəfsizliyi, şəxsi rifahla ictimai borcu, tamahkarlıqla vicdanlılığı hər bir kəs özü seçir.  
Rüşvətxoru, oğrunu qəhrəman etmək öz xalqına xəyanət etməkdir.  
          Elm və Təhsil

Ümummilli lider Heydər Əliyevin 30 ildən artıq davam edən ictimai-siyasi fəaliyyətində elmə, təhsilə göstərilən qayğı daim mühüm yer tutumuşdur. Heç də təsadüfi deyildir ki, XX-ci əsrin son 30 ilində Azərbaycan intibahını şərtləndirən amillər sırasında elmin və təhsilin yüksəlişi xüsusilə diqqəti cəlb edir. Məhz bu illərdə Azərbaycanda xalqın təhsillənməsi, ali təhsil ocaqlarının yaranması, xalqın təhsilə cəlb olunması, elmi-tədqiqat institutlarının yaradılması, elmi-tədqiqat işlərinin genişlənməsi, Elmlər Akademiyasının gərgin axtarışlarla zəngin fəaliyyəti - bütün bunlar XX-ci əsrin 70-ci illərindən başlayaraq Azərbaycanda elmin və təhsilin sürətli inkişafını nümayiş etdirən təkzibedilməz faktlardır. "…XX əsrdə Azərbaycan xalqının ən böyük nailiyyətlərindən biri ölkəmizdə elmin, təhsilin sürətlə inkişaf etməsidir" (Heydər Əliyev).  






* Təhsil millətin gələcəyidir.
* Təhsil hər bir dövlətin, ölkənin, cəmiyyətin həyatının, fəaliyyətinin mühüm bir sahəsidir.
* Bizdə təhsil çox inkişaf edibdir. Azərbaycanda demək olar ki, təhsil almayan adam yoxdur.
* Mən dünyada müəllimlikdən yüksək ad tanımıram.
* Bizim hər birimiz elmi dərəcəmizdən, biliyimizdən, təhsil səviyyəmizdən asılı olmayaraq, bütün nailiyyətlərimizə görə məktəbə, müəllimə borcluyuq.
* Mən Azərbaycanın sadə vətəndaşıyam. Bu addan yüksək ad yoxdur. Ancaq bundan da yüksək ad müəllimlikdir.
Ümummilli lider Heydər Əliyevin sovet Azərbaycanına rəhbərlik etdiyi illərdə ölkədə 5 yeni ali təhsil müəssisəsi açılmış və ali məktəblərdə təhsil alanların sayı 70 mindən 100 minə qədər artmışdır. Eləcə də dahi rəhbər keçmiş İttifaqın ən nüfuzlu təhsil müəssisələrində azərbaycanlıların oxumasına çalışmış və bu istiqamətdə əsaslı dönüş yaratmışdır. Məhz Heydər Əliyevin təşəbbüsü və birbaşa himayəsi nəticəsində 1970-ci ildən başlayaraq hər il 800-900 nəfər gənc SSRİ-nin nüfuzlu ali məktəblərində təhsil almağa göndərilmişdir ki, bu da respublikanın milli kadr potensialının daha da gücləndirilməsinə imkan yaratmışdır

1999-cu ilədək təhsil sahəsində müxtəlif qərarlar qəbul edilsə də, təhsilin milli tərəqqimizin güclü amilinə çevrilməsi üçün dövlət təminatı olmalı idi. Odur ki, 1998-ci ilin martında "Təhsil sahəsində islahatlar üzrə Dövlət Komissiyasının yaradılması haqqında" sərəncam imzalandı və bunun ardınca "Təhsil sahəsində islahatlar Proqramı" qəbul edildi. Komissiyanın yekun iclasında çıxış edən Heydər Əliyev demişdir: "Təhsil sistemi elə bir sistemdir ki, burada heç bir inqilabi dəyişiklik ola bilməz. Ümumiyyətlə, bizim həyatımızın bütün sahələrində dəyişikliklər təkamül xarakteri daşıyır".

Azərbaycan Respublikasının orta təhsil sistemində ən ciddi problemlərdən biri, təbii ki, məktəb tikintisi, ümumtəhsil məktəblərinin təmiri və avadanlıqlarla təchizatı idi. Heydər Əliyev 2000-ci il iyunun 13-də "Azərbaycan Respublikasında təhsil sisteminin təkmilləşdirilməsi haqqında" yeni fərman imzaladı. Fərman təhsil sisteminin əsaslı şəkildə təkmilləşdirilməsinə, idarəetmənin müasir prinsiplər üzrə təşkilinə, təhsil sisteminin beynəlxalq standartlara uyğunlaşdırılmasına və dünya təhsil sisteminə inteqrasiyasına zəmin yaratdı.

Zaqatalada keçirilən Heydər Əliyevin 91-ci il dönümünə həsr edilmiş tədbirdən qisa məlumat.

Bu gün rayonumuzda Ulu öndərin əziz xatirəsinə yad etmək üçün böyük və təmtaraqlı şəkildə Gül bayramı keçirildi.Əvvəcə Heydər Əliyrv adına muzeydə konfrans baş tutdu.Konfransda ulu öndərin həyat və fəaliyyəti ilə əlaqəli video çarxlar, çıxışlar dinlənildi.Gənclərə Yeni Azərbaycan partiyasının vəsiqələri paylandı.Daha sonra rayon təhsil və digər müəssələrinin hazırladıqları əl işləri nümayiş etdirildi.























 

Zaqatalada Ulu Öndərin anadan olmasının 91-ci ildönümünə həsr edilmiş VI Kitab bayramı keçirilmişdir.Rayon mərkəzləşdirilmiş kitabxana sisteminin hazırladığı “Zirvədən baxan öndər”, “Mən həmişə səninləyəm, Azərbaycan”, “Əsrin sönməz günəşi”, “Doğma Azərbaycanım”, “Zərifə Əliyeva-91”, “2014-cü il-Sənaye ilidir”, “Qarabağın tarixi”, “Təbiətimizi qoruyaq”, “Qəhrəmanlar unudulmur” və digər mövzularda kitab sərgiləri tədbir iştirakçıları tərəfindən maraqla qarşılanmışdır.
Bayram tədbirində uşaqların Azərbaycan xalq nağılları əsasında hazırladıqları səhnəciklər, ədəbi-bədii kompozisiyalar nümayiş etdirilmişdir. Rayon mərkəzi və kənd kitabxana filiallarının “Bacarıqlı əllər” dərnəyi üzvlərinin əl işlərindən ibarət sərgilər tədbir iştirakçılarının marağına səbəb olmuşdur.
Məlumat verilmişdir ki, hazırda Zaqatala rayonunda bir mərkəzi və 56 filial kitabxanası fəaliyyət göstərir. Kitabxanaların fondlarında, ümumilikdə, 408 mindən artıq kitab vardır. Azərbaycan Prezidentinin müvafiq Sərəncamına uyğun olaraq, son illər kitabxana fondlarına 94 min nüsxə latın qrafikalı ədəbiyyat daxil olmuşdur

Hiç yorum yok:

Yorum Gönder

Kaydol: Kayıtlar (Atom)